ბელგიასთან გამარჯვების შემდეგ, მაროკოელმა ფანებმა ბრიუსელში არეულობა მოაწყვეს
გუშინ მაროკოს ნაკრებმა, ყველასაგან მოულოდნელად, ბელგიის ნაკრები 2:0 დაამარცხა და კატარის მსოფლიო ჩემპიონატზე პირველი სამი ქულა მოიპოვა.
აღნიშნული გამარჯვების შემდეგ, ბრიუსელის ქუჩებში ადგილობრივი მაროკოელები გამოვიდნენ და გამარჯვებას ზეიმობდნენ. რამდენიმე საათში ეს ზეიმი პოლიციასთან დაპირისპირებაში გადაიზარდა.
Fox Sports-ის ცნობით, ინციდენტის დროს სამართალდამცავებმა 11 ადამიანი დააკავეს. ბრიუსელის პოლიციის განცხადებაში ნათქვამია, რომ ათობით ადამიანი პოლიციასთან დაპირისპირებას ცდილობდა, რამაც საზოგადოებრივი წესრიგის დარღვევა გამოიწვია.
Moroccan fans continue vandalizing and attacking the police in Brussels after Morocco defeated Belgium 2-0 at the World Cup in Qatar.
— Visegrád 24 (@visegrad24) November 27, 2022
🇧🇪🇲🇦 pic.twitter.com/9QlKCckcqo
როგორც გაირკვა, ზოგიერთი ბოროტმოქმედი ხელკეტითაც იყო შეიარაღებული. აღსანიშნავია, რომ ამ შეტაკების დროს ერთ-ერთი ჟურნალისტიც დაშავდა.
გავრცელებულ ვიდეოებში კარგად ჩანს ვანდალები როგორ ამსხვრევენ მანქანებს და ქუჩაში ყველაფერს აზიანებენ.
ადგილზე ასამდე პოლიციელი იყო მობილიზებული და სიტუაცია 7 საათისთვის უკვე კონტროლს ექვემდებარებოდა.
Chaos and destruction on Rue du Midi in Brussels as Morocco fans ‘celebrate’ their win over Belgium in the World Cup. pic.twitter.com/zzNlSQam95
— Jack Parrock (@jackeparrock) November 27, 2022
ეს არეულობა მხოლოდ ბრიუსელით არ შემოიფარგლა. ქალაქ ლიეჟში 50 კაციანი დაჯგუფება პოლიციის განყოფილებას თავს დაესხა, ჩაამტვრია მინები და პოლიციის მანქანები დააზიანა. ბოროტმოქმედების წინააღმდეგ სამართალდამცავებმა წყლის ჭავლი გამოიყენეს.
Belgian police has arrived to the scene of rioting in Brussels.
— Visegrád 24 (@visegrad24) November 27, 2022
Moroccan fans are celebrating their 2-0 win against Belgium at the World Cup with widespread vandalism and violence. https://t.co/Igg5owxslq
გარდა ამისა, ქალაქ ანტვერპენშიც დააკავეს ათეულობით ადამიანი.
არეულობა იყო ნიდერლანდებშიც, სადაც მაროკოელი გულშემატკივარი გამარჯვებას ზეიმობდა. არეულობა იყო ქალაქ როტერდამში, ამსტერდამსა და უტრეხტში.
შეგახსენებთ, რომ მაროკოს ნაკრებს შემდეგი შეხვედრა პირველ დეკემბერს, კანადის წინააღმდეგ ელის. ამ მატჩის გამარჯვების მოპოვების შემთხვევაში აფრიკელები ჯგუფურ ეტაპს დაძლევენ და 1/8 ფინალის საგზურს მოიპოვებენ.