ბარსელონამ გუნდის რეკორდი დაამყარა

ჩემპიონთა ლიგის მე-4 ტურში ,,ბარსელონამ'' ,,ცრვენა ზვეზდას'' სტუმრად 5:2 მოუგო.

ფლიკის გუნდმა მიმდინარე სეზონის საწყის 16 შეხვედრაში 55 გოლის გატანა შეძლო, რაც კატალონიელთა რეკორდია.

აქამდე მათი საუკეთესო შედეგი 1950-1951 წლების სეზონში დაფიქსირდა, როცა ,,ბარსელონამ'' პირველ 16 მატჩში 54 გოლი გაიტანა.

,,ბლაუგრანა'' განსაკუთრებით შედეგიანი ბოლო 7 შეხვედრაშია - კატალონიურმა გრანდმა 7-ვე მატჩი მოიგო და თითოეულში მეტოქის კარი მინიმუმ 3-ჯერ აიღო.

,,ბარსელონა'' მომავალ მატჩს კვირას ღამით, 00:00 საათზე, ,,რეალ სოსიედადთან'' სტუმრად გამართავს.