ბარნლიმ რონალდინიოს შვილი 25-კაციან განაცხადში შეიყვანა

რონალდინიოს შვილი, ჟოაო მენდეში ინგლისის ჩემპიონშიფის მიმდინარე სეზონის დარჩენილ ნაწილში ,,ბარნლის'' განაცხადში იქნება.

ინგლისური მედიის ცნობით, კლუბმა ბრაზილიელი შემტევი 25 ფეხბურთელს შორის მოახვედრა.

19 წლის მენდეშის ანგარიშზე ,,ბარნლის'' 21-წლამდელთა გუნდში ჩატარებულ 5 შეხვედრაში 3 გოლი და 2 საგოლე გადაცემაა.

,,ბარნლი'', რომელიც მიმდინარე სეზონში ინგლისის ჩემპიონშიფში ასპარეზობს, 32 ტურის შემდეგ სატურნირო ცხრილში მე-3 ადგილს იკავებს. სკოტ პარკერის გუნდი მომავალ მატჩს შაბათს, 15 თებერვალს, ,,პრესტონის'' წინააღმდეგ გამართავს.