აურელიო დე ლაურენტისი: "VAR-ის რეგულაციები შესაცვლელია"
1 კვირის წინ
ფეხბურთი
1 წთ
იტალიის სერია A-ს ბოლო ტურში "ინტერმა" საკუთარ მოედანზე "ნაპოლი" მიიღო და შეხვედრა ფრედ, 1:1 დასრულდა. მატჩის შემდეგ ანტონიო კონტემ მთელი პრესკონფერენცია მსაჯზე საუბარს დაუთმო, იტალიელმა სპეციალისტმა მისი გუნდის კარში დანიშნული პენალტის გამო მსაჯთა ბრიგადა და VAR მკაცრად გააკრიტიკა. დღეს ნაპოლის ოფიციალური X-ის საშუალებით, აურელიო დე ლაურენტისმა მიმართვა გაავრცელა.
წავიკითხე მაროტას (ინტერის პრეზიდენტი) რამდენიმე განცხადება, რომელიც ჩემი აზრით უადგილო იყო. უპირველეს ყოვლისა, კონტეს სიტყვები ნათელი იყო და ზუსტად ისაა, რასაც მე ვფიქრობ და ყოველთვის ვამბობდი: VAR შესანიშნავი რესურსია მსაჯის შეცდომების თავიდან ასაცილებლად. მსაჯის შეცდომის შემთხვევაში, VAR პერსონალმა რეაგირება უნდა მოახდინოს, წინააღმდეგ შემთხვევაში, ეჭვები გაძლიერდება. გარდა ამისა, მსაჯები უკვე პირდაპირ კავშირში არიან VAR-თან, რატომ არ უნდა მიიღონ ინფორმაცია მათგან, ვინც ხედავს რა ხდება მოედანზე ტექნოლოგიების დახმარებით? კონტემ განმარტა ის ცნებები, რასაც მე წლების განმავლობაში ვუჭერდი მხარს!
მე მჯერა, რომ საჭიროა ახალი VAR რეგულაციის შემუშავება, რათა თავიდან იქნას აცილებული არათანმიმდევრული გადაწყვეტილებები, რაც ვიმეორებ, მხოლოდ აძლიერებს ეჭვებს. გარდა ამისა, ცნობილია, რომ მოედანზე მსაჯები ხშირად არ არიან მომხრეები VAR-ის მსაჯების ჩარევისა, რადგან გადაწყვეტილებების შესწორება მათ სანდოობას ართმევს, თუმცა როდესაც მნიშვნელოვანი ეპიზოდების და აშკარა შეცდომების წინაშე აღმოვჩნდებით, VAR უნდა ჩაერიოს, ყოველ შემთხვევაში, მსაჯს შეახსენოს, რომ მონიტორთან მივიდეს. ეს მხოლოდ ფეხბურთს წაადგება. - ვკითხულობთ ლაურენტისის განცხადებაში
Comunicato Stampa 👇https://t.co/mQkURvI8Ax
— Official SSC Napoli (@sscnapoli) November 13, 2024
.70.webp)
სხვა სტატიები
.32.webp)
