აურელიო დე ლაურენტისი: "როცა ვთქვი, სერია A-ს მოვიგებთთქო, როგორც საწყალს ისე შემომხედეს"

ნეაპოლის პრეფექტურის დარბაზში "ნაპოლის" პრეზიდენტმა, აურელიო დე ლაურენტისმა პრეს-კონფერენცია გამართა და ჟურნალისტების მიერ სხვადასხვა თემის შესახებ დასმულ შეკითხვებს უპასუხა.

"მინდა, რომ ნეაპოლელებმა ახალი კურსი წამოიწყონ ამ "ნაპოლის" წყალობით, რომელიც მათ წარმოადგენს. ჩვენ გვაქვს არაჩვეულებრივი ზღვა და ფანტასტიკური მიწა, რომლითაც უნდა ვიამაყოთ. სამაგიეროდ, ყოველთვის არის ეს იმედგაცრუება, რომელსაც ჩვენ ერთად ვატარებდით წლების განმავლობაში.

საუკუნეების განმავლობაში მათ ყველას სურდათ ჩვენზე გაბატონება. ჩვენ არ უნდა ვიბატონოთ სხვებზე, არამედ საკუთარ თავზე, გამოვხატოთ ჩვენი გრძნობები და განვიცადოთ ეს ბრწყინვალე ქალაქი. გუშინ ვიყავი სანიტაში, წვიმდა და მე ვნახე მეთექვსმეტე საუკუნის მრავალი შენობა.

ამ სეზონში რომელმა მატჩმა დამაფიქრა, რომ ეს ნამდვილად განსაკუთრებული წელი იქნებოდა? "იუვენტუსთან" 5:1 მოგებული მატჩი... "იუვენტუსთან" შეხვედრა მთელი სკუდეტოს ტოლფასია: პირველ მატჩში ასეთი დომინირებით მოგება ამოსუნთქვის შესაძლებლობას გაძლევს.

ვიღაცამ დაწერა, რომ მსოფლიოში ყველაზე გიჟი პრეზიდენტი ვარ. როგორ მივიღე? კარგად, რადგან ცოტა ჯანსაღი სიგიჟეა საჭირო, თორემ მაშინ სად არის ნეაპოლიტანიზმი?

დი ლორენცო? გუშინ ყავაზე დავპატიჟე, ჩემს სასტუმროში მოვიდა და პირადად მადლობა გადავუხადე. ის არის ნამდვილი კაპიტანი, არაჩვეულებრივი კაპიტანი, ამაღლებული განათლებით და ლოგიკური მსჯელობის უნარით, რომელსაც არაფერი აქვს საერთო მატჩის შემდგომ ემოციებთან. მატჩის შემდეგ არ უნდა ილაპარაკოთ, თორემ რისკავთ იყოთ არაგულწრფელი ან ზედმეტად გულწრფელი. ხშირად დავდიოდი და ცხელ ინტერვიუებს ვაძლევდი, ვინმეს შეჭმა მინდოდა, მაგრამ შემდეგ ჩემს თავს ვუთხარი: აურე, ეს არ უნდა გააკეთო.

ჩემი ენთუზიაზმი ამ მომენტში უზარმაზარია. სეზონის დასაწყისში რაღაც სისულელეები გავიგე, ვიღაც ამას ამბობდა, რომ მე არ მინდოდა სკუდეტოს მოგება, მაგრამ მაისში ვთქვი, რომ ტიტულისკენ ვისწრაფვოდით. როცა ეს სიტყვები წარმოვთქვი, შეძრწუნებული მზერა დავინახე, თითქოს ამბობდნენ, საწყალიაო... ენთუზიაზმი სრულია, მაგრამ ეს უპირველეს ყოვლისა არის ენთუზიაზმი იმის გამო, რომ ვხედავთ იმ სიხარულს, რასაც ეს ყველაფერი წარმოადგენს თქვენთვის, ნეაპოლიტანელებისთვის. მე ყოველთვის ალტრუისტი ვიყავი ჩემს ცხოვრებაში. ქუჩაში გასვლა და ამ ენთუზიაზმის ნახვა სიამაყის საფუძველს მაძლევს.

ვგრძნობ თუ არა, რომ ნეაპოლში გამარჯვების პერიოდი დაბრუნდა? ეს დიდი ხნის წინ მოხდა. ვგრძნობ, რომ სკუდეტო ყველაზე პატიოსნად მოვიგეთ, რადგან ეს ძალიან რთული ქვეყანაა", - თქვა აურელიო დე ლაურენტისმა.

"ნაპოლი" 32 ტურის შემდეგ დაგროვებული 79 ქულით სერია A-ს ერთპიროვნულად ლიდერობს და 33-წლიანი პაუზის შემდეგ ჩემპიონატის მოსაგებად დარჩენილ 6 ტურში 1 ქულის მოპოვება სჭირდება.