200 მილიონი კლუბს - 50 ფეხბურთელს: ოსიმენის დამატება საუდის არაბეთის კლუბს სურს

"ნაპოლის" თავდამსხმელის და 2023/24 წლების სეზონის საუკეთესო ბომბარდირის, ვიქტორ ოსიმენის დამატება საუდის არაბეთის ჩემპიონატის წარმომადგენელ კლუბს "ალ-ჰილალს" სურს.

ირკვევა, რომ აზიური მხარე "ნაპოლის" 200 მილიონ ევროს სთავაზობს, უშუალოდ ფეხბურთელის სრული ანაზღაურება კი 50 მილიონი ევროთი განისაზღვრება.

იტალიურ მედიაში გავრცელებული ინფორმაციის მიხედვით ირკვევა, რომ, სერია A-ს მოქმედი ჩემპიონის პრეზიდენტი, აურელიანო დე ლაურენტისი, ფეხბურთელის აგენტს, რობერტო კალენდას შეხვდა. მოლაპარაკებები კონტრაქტის ხანგრძლივობაზე მიმდინარეობს, კონკრეტულად იმის შესახებ, რამდენწლიანი ხელშეკრულების შეთავაზება იქნება სასურველი 24 წლის ფეხბურთელისთვის. ვარიანტებს შორის 3, 4 და 5-წლიანი კონტრაქტები განიხილება.