არნე სლოტი: "არ გვეგონა, რომ სალაჰს კიდევ უფრო გაუმჯობესება შეეძლო"

"ლივერპულმა", რომელიც მიმდინარე სეზონის ყველაზე ეფქტური გუნდია, წელიც მაღალ ნოტაზე დახურა. მერსისაიდელებმა სტუმრად "ვესტ ჰემი" 0:5 გაანადგურეს და პრემიერლიგის ცხრილს 45 ქულით ლიდერობენ. გასაოცარი სტატისტიკა აქვს მოჰამედ სალაჰს, რომელმაც 18 ჩატარებულ შეხვედრაში 17 გოლი გაიტანა და 13 საგოლე გადაცემა გააკეთა. ახალ წლამდე, ისტორიაში არავის ჰქონია ორციფრიანი შედეგი ორ მთავარ საფეხბურთო კომპონენტში.

თავად მო სალაჰს სხვა საკითხები აქვს გადასაჭრელი, ჯერ კიდევ არ არის გადაწყვეტილი მისი გუნდთან ურთიერთობის საკითხი, ეგვიპტელი ამბობს, რომ კონტრაქტის გახანგრძლივებაზე საუბრისგან ჯერ კიდევ შორს არის და ზაფხულში მისი წასვლა უფრო სავარაუდოა, ვიდრე დარჩენა.