"არასდროს შემიძენია უკეთესი ფეხბურთელი" - შტურმის ყოფილი სპორტული დირექტორი კიტეიშვილზე

სწორედ ამიტომ არის ოთარ კიტეიშვილი შტურმის ფეხბურთელი, ამ სათაურით აქვეყნებს სტატიას ავსტრიული გამოცემა kleinezeitung და გრაცის გუნდის რიგებში ქართველი ფეხბურთელის პირველ ნაბიჯებს გვახსენებს. ოთარ კიტეიშვილი გრაცის "შტურმში" 2018 წელს "დინამო თბილისიდან" გადავიდა, მას შემდეგ კი ბევრი საინტერესო რამ მოხდა.

თორმეტი გოლით, ამ სეზონში ოთარ კიტეიშვილი "შტურმის" საუკეთესო ბომბარდირია. მან "ლინცთან" გამარჯვების გოლი გაიტანა და ბომბარდირთა სიაში მიკა ბიერეთს გადაასწრო, რომელიც ზამთარში "მონაკოში" გადავიდა. ქართველმა მოთამაშემ ყველა თამაშის გადამწყვეტ ფაზაში გოლი გაიტანა და ყველა პენალტი, რომელიც მან ამ სეზონში შეასრულა, გაიტანა. კიტეიშვილს ბევრი საფეხბურთო ექსპერტი აღწერს, როგორც განსხვავების შემქმნელს. მას აქვს განსაკუთრებული უნარები, ის არის ლიდერი, საუბრობს ხმამაღლა გასახდელში, როდესაც თვლის, რომ ეს საჭიროა. მისი ტრავმები, როგორც ჩანს, წარსულს ჩაბარდა, მისი თამაშის დონე კი ამჟამად სტაბილურია.

მაგრამ ვინ მიიყვანა ოთარ კიტეიშვილი "შტურმში"? გრაცის გუნდის ყოფილმა სპორტულმა დირექტორმა, გიუნტერ კრაისლმა ნახევარმცველი შენიშნა, მისი პროფილი დეტალურად დაათვალიერა და იმ დასკვნამდე მივიდა, რომ "შტურმს" ეს მოთამაშე უნდა ჰყოლოდა.

გიუნტერ კრაისლი ავსტრიის ფეხბურთის ფედერაციაში ტალანტების განვითარებაში აქტიურად არის ჩართული და მის სიტყვებს ავსტრიული გამოცემა ციტირებს:

ამ ტრანსფერის დროს, 2018 წლის ივლისში "შტურმი" ჩემპიონთა ლიგის მეორე საკვალიფიკაციო ეტაპზე თამაშობდა, მათი მეტოქე "აიაქსი" იყო. კიტეიშვილის ტრანსფერში გუნდს ძალიან გაუმართლა, რადგან გიუნტერ კრაისლს კარგი ინსტიქტი აღმოაჩნდა და ეს ფულის ინვესტირების გაბედული გადაწყვეტილება იყო. 29 წლის ფეხბურთელი მოედანზე ექსტროვერტია და გამარჯვების დაუოკებელი სურვილი აქვს. კრაისლს ჰკითხეს იყო თუ არა ეს მისთვის საუკეთესო შენაძენი, მან თვალის დახამხამების გარეშე უპასუხა:

ოთარ კიტეიშვილს მიმდინარე სეზონში ყველა ტურნირის ეგიდით 13 გოლი და 4 საგოლე გადაცემა აქვს. ჩემპიონატში 12 გოლი დაუგროვდა, რითაც საუკეთესო ბომბარდირ, ბრაზილიელ "ლინცის" ფორვარდ, რონივალდოს 2 ბურთით ჩამორჩება.