ანტუან სემენიო მუხლის ტრავმის გამო ორ თვეს გამოტოვებს
მანჩესტერ სიტის მთავარმა მწვრთნელმა, ენცო მარესკამ დაადასტურა, რომ ანტუან სემენიო, ტრავმის გამო, რვა კვირამდე ვერ ითამაშებს. მანჩესტერ სიტისთვის, ეს სერიოზული დარტყმაა. განელმა ფეხბურთელმა მუხლის ტრავმა შაბათს, იფსვიჩთან შეხვედრაში მიიღო. სიტიმ ის მატჩი 3:2 მოიგო.
"ეტიჰადზე" გამართული შეხვედრის მიწურულს, სემენიო თამაშში სათადარიგოთა სკამიდან ჩაერთო. თუმცა, მოედანზე შესვლიდან მალევე, ტრავმა მიიღო. მატჩის შემდეგ, განელ ფეხბურთელთან დაკავშირებით გაკეთებულმა თავდაპირველმა პროგნოზმა, სიტის სამედიცინო შტაბში, სერიოზული შეშფოთება გამოიწვია. არსებობდა შიში, რომ გარემარბმა მყესები დაიზიანა, რის გამოც, მას ხანგრძლივი პერიოდი მოუწევდა მოედნის მიღმა ყოფნა.
თუმცა შემდგომმა გამოკვლევებმა, ფეხბურთელის გამოჯანმრთელების ვადებთან დაკავშირებით, კლუბს ოპტიმისტური მოლოდინი გაუჩინა. მარესკამ, ამ საკითხზე, საჯაროდ ისაუბრა და აღნიშნა, რომ ტრავმა მოსალოდნელზე მძიმე არ აღმოჩნდა.
გამოკვლევების შედეგების შემდეგ, თავს გაცილებით უკეთ ვგრძნობთ, რადგან დაზიანება ისეთი მძიმე არ აღმოჩნდა, როგორსაც ველოდით. შესაძლოა, ის რვა კვირით გამოგვაკლდეს, ამიტომ ახლა ყველაზე მნიშვნელოვანია, რომ სარეაბილიტაციო პერიოდი წარმატებით გაიაროს და მალე გამოჯანმრთელდეს. - ენცო მარესკა
მიუხედავად ამ უსიამოვნო დანაკლისისა, მანჩესტერელები სეზონის საწყის ეტაპზე ნაჩვენები შესანიშნავი ფორმის შენარჩუნებას, განელი ფეხბურთელის გარეშე შეეცდებიან. დიდი ალბათობით, სემენიო მოედანს დეკემბერში დაუბრუნდება.
🚨| 𝐑𝐈𝐕𝐀𝐋 𝐖𝐀𝐓𝐂𝐇: Antoine Semenyo will be OUT for 8 weeks due to injury and will MISS the Barça - Man City match. ❌ pic.twitter.com/Y873B3Txj0
— BarçaTimes (@BarcaTimes) October 19, 2026
სხვა სტატიები
