ანტონიო კასანო: "მოურინიოს დრო წავიდა"

იტალიის ნაკრების ყოფილმა ფეხბურთელმა, რომელსაც აქტიური საფეხბურთო კარიერის დროს "რეალ მადრიდშიც" უთამაშია და "რომაშიც", ჟოზე მოურინიო გააკრიტიკა. ბუცების კედელზე ჩამოკიდების შემდეგ კასანო პორტუგალიელ სპეციალისტს რეგულარულად "უტევდა". კასანოს ნათქვამი აქვს, რომ ჟოზეს ფეხბურთი არ აინტერესებს, არ უყვარს მუშაობა და კომუნიკაცია არ შეუძლია. საპირისპიროდ, რამდენჯერმე მოურინიომ მწარედ დააბრუნა პასუხი.

მოურინიო არ არის ერთადერთი, ვისაც კასანომ მუშაობა დაუწუნა. "იუვენტუსის" თავკაცზე, მასიმილიანო ალეგრიზე საუბრისას კასანომ თქვა, რომ უკანასკნელი 3 წელია ახალს ვერაფერს ქმნის და დროა განზე გადგეს, რადგან იუვენტუსს 3 პასის ერთმანეთზე გადაბმაც კი აღარ შეუძლია.

მოურინიო, რომელიც რომადან ზამთარში მოულოდნელად გაუშვეს, ახალ შემოთავაზებებს ელოდება და ამბობს, რომ მუშაობისთვის მზადაა. პორტუგალიელს ინგლისის პრემიერლიგის, გერმანიის ბუნდესლიგისა და საუდის პრო ლიგის გუნდებს უკავშირებენ.