ანხელ დი მარიამ იუვენტუსიდან წასვლის შესახებ განაცხადა

არგენტინელმა ნახევარმცველმა, ანხელ დი მარიამ, ტურინის ,,იუვენტუსი'' დატოვა. ამის შესახებ ფეხბურთელმა სოციალურ ქსელში დაწერა:

,,მივდივარ მშვიდად, რადგან ყველაფერი გავაკეთე იმისთვის, რომ ტიტულები მოგვეპოვებინა, თუმცა ვერ შევძელით. მივდივარ წარუმატებლობის მწარე გემოთი. მადლობა ჩემს მეგობრებს იმ სიყვარულისთვის, რომელიც მაჩუქეს. მოსვლის პირველი დღიდან აქ თავს ისე ვგრძნობდი, როგორც საკუთარ სახლში,'' - წერს არგენტინელი ინსტაგრამის პირად გვერდზე.

დი მარია ,,იუვენტუსში'' გასულ ზაფხულს ,,პარი სენ ჟერმენიდან'' თავისუფალი აგენტის სტატუსით გადავიდა.

არგენტინელმა ტურინული გუნდის მაისურით ჩატარებულ 40 შეხვედრაში 8 გოლი გაიტანა და 7 საგოლე გადაცემა მიითვალა.