ანდონი ირაოლა: "ფეხბურთელებს 90 წუთის სათამაშოდ საკმარისი ენერგია არ აქვთ"

ლივერპულის მთავარმა მწვრთნელმა, ანდონი ირაოლამ განაცხადა, რომ მის გუნდს, ამ ეტაპზე, ფიზიკურ მზადყოფნასთან დაკავშირებით, პრობლემები აქვს და 90 წუთის განმავლობაში, საჭირო სათამაშო ინტენსივობას ვერ ინარჩუნებს. ესპანელმა სპეციალისტმა, ეს განცხადება, მონაკოს წინააღმდეგ ჩატარებული ამხანაგური მატჩის შემდეგ გააკეთა, სადაც "მერსისაიდელებმა" 2:3 წააგეს.

ლიდსთან თამაშის მსგავსად, ლივერპულელები, აქაც ორბურთიანი სხვაობით, 2:0 იგებდნენ, მაგრამ საბოლოოდ, ეს უპირატესობა ვერც ამჯერად შეინარჩუნეს. მერსისაიდელთაგან, გოლები ალექსანდრ ისაკმა და ფლორიან ვირცმა გაიტანეს. მონაკოელთაგან კი თავი ალექსანდრ გოლოვინმა, მიკა ბიერეტმა და პარის ბრუნერმა გამოიჩინეს. ირაოლამ, მედიასთან საუბრისას, აღნიშნა, რომ გუნდი, ამ ეტაპზე, იმ ინტენსივობას, რომელსაც ესპანელი სპეციალისტი თავად მოთამაშეებისგან ითხოვს, ვერ ინარჩუნებს.

ლივერპულს, წინა სასეზონო პერიოდში, ტრამვების გამო, არაერთი პრობლემა შეექმნა, განსაკუთრებით კი, დაცვის ხაზში. გუნდს, ამ ეტაპზე, ჯო გომესი და ახლად შეძენილი ჟერემი ჟაკე აკლია. ამ ყველაფრის პარალელურად კი, ESPN-ის ინფორმაციით, ბარსელონას ფეხბურთელი, რონალდ არაუხო, იჯარით ლივერპულში გადასვლასთან ახლოსაა, რაც კლუბისთვის, მნიშვნელოვანი დანამატი იქნება დაცვის გასაძლიერებლად.

ლივერპული, სეზონის დაწყებამდე, ბოლო მოსამზადებელ შეხვედრაში კომოს დაუპირისპირდება. შემდეგ კი, პრემიერ ლიგის ახალ სეზონს, 23 აგვისტოს, ნიუკასლის წინააღმდეგ დაიწყებს.