ალ ნასრმა ალექს ტელეში გაიფორმა

,,მანჩესტერ იუნაიტედის'' ყოფილი მცველი, ალექს ტელეში კარიერას ,,ალ ნასრში'' გააგრძელებს.

ფაბრიციო რომანოს ცნობით, ინგლისურმა გუნდმა ფეხბურთელის სანაცვლოდ 4 მილიონი ფუნტი მიიღო. ტელეშის ანაზღაურება კი ახალ კლუბში 7 მილიონი ევრო იქნება.

,,ალ ნასრმა'' იანვარში კრიშტიანუ რონალდუ გაიფორმა, ზაფხულში კი მარსელო ბროზოვიჩი (ინტერიდან) და სეკო ფოფანა (ლანსიდან) იყიდა.

ტელეშმა გასული სეზონი ,,სევილიაში'' გაატარა, სადაც ჩატარებულ 38 შეხვედრაში 3 საგოლე გადაცემა მიითვალა.