აღნიშნავს თუ არა რამოსი ბერნაბეუზე გატანილ გოლს? - ესპანელის პასუხი

1 წთ

,,სევილიას'' მცველმა, სერხიო რამოსმა, Dazn-თან ინტერვიუში, ყოფილ გუნდთან, მადრიდის ,,რეალთან'' გასამართ მატჩზე ისაუბრა:

,,თავს ისე ვიგრძნობ, როგორც საკუთარ სახლში, რადგან იქ მრავალი წელი გავატარე. ჩემი კარიერის ყველაზე მნიშვნელოვანი მომენტები სწორედ ამ გუნდთანაა დაკავშირებული. მშვენიერი მოგონებები მაკავშირებს გულშემატკივრებთან და ყოფილ თანაგუნდელებთან. ეს უნიკალური და ემოციური მომენტი იქნება.

რეალი ყოველწლიურად ყველაფრის მოგების ფავორიტია, გუნდს უმაღლესი დონის ფეხბურთელები ჰყავს. თუმცა, ვეცდებით კარგი მატჩი ჩავატაროთ.

მადრიდის რეალსა და კლუბის ყველა გულშემატკივარს ძალიან დიდ პატივს ვცემ, ამიტომ, თუ გოლს გავიტან, არ აღვნიშნავ. თუმცა, მოხარული ვიქნები თუ ჩემი გოლით მოგებას მოვახერხებთ, რადგან 3 ქულა ჩვენთვის მნიშვნელოვანია.'' - სერხიო რამოსი

კვირას, 26 თებერვალს, ლა ლიგის 26-ე ტურში, სერხიო რამოსის ,,სევილია'' მადრიდის ,,რეალს'' ესტუმრება.

მიმდინარე სეზონში ესპანელი მცველის ანგარიშზე ანდალუსიური გუნდის მაისურით ჩატარებულ 24 შეხვედრაში 5 გოლი და 1 საგოლე გადაცემაა.

🗣️ Sergio Ramos on his return to the Bernabéu: “It’s going to be very emotional…” pic.twitter.com/bWoMJPzTwu
— Madrid Xtra (@MadridXtra) February 21, 2024

თაზო ერისთავი

სხვა სტატიები

ესპანელი მსაჯი: ,,ლაიფციგს გოლი გაუტანა ფეხბურთელმა, რომელიც უნდა გაეძევებინათ''

გვარდიოლა: ,,რეალს პატივს ვცემ, მაგრამ, მოვიტყუები, თუ ვიტყვი, რომ მათი მეშინია''