ლიონელ მესიმ ჩემპიონთა ლიგის ნახევარფინალში, "ლივერპულის" წინააღმდეგ მორიგი შესანიშნავი მატჩი ჩაატარა - არგენტინელმა დუბლის შესრულება შეძლო და რაც მთავარია, მატჩის მიწურულს მან საოცარი საჯარიმო დარტყმით ანგარიში 3-მდე გაზარდა, რის შედეგადაც იურგენ კლოპის გუნდის შანსები მნიშვნელოვნად შემცირდა.
"ლივერპულის" კარში გატანილი გოლი არგენტინელისთვის მე-600 გამოდგა. საინტერესო ფაქტია, რომ ევროტურნირებზე მესის 39 გუნდის წინააღმდეგ აქვს ნათამაშები, თუმცა არგენტინელს მხოლოდ 5 გუნდისთვის არ აქვს გოლი გატანილი, ესენია: "ატლეტიკო," "ბენფიკა," "ინტერი," "რუბინი" და "უდინეზე."
ყველაზე დიდხანს მესის წინააღმდეგ კარის მშრალად შენახვა "ინტერის" ყოფილმა მეკარემ, ბრაზილიელმა ჟულიო სეზარმა შეძლო (270 წუთი).
