41-წლიანი პაუზის შემდეგ - ტოტენჰემი ევროპა ლიგის ჩემპიონია

ტოტენჰემი ევროპა ლიგის 2024/25 წლების სეზონის ჩემპიონი გახდა.

ბილბაოში, სან მამესზე გამართულ ინგლისურ ფინალში, ტოტენჰემმა მანჩესტერ იუნაიტედი 1:0 დაამარცხა და ევროპის რანგით მეორე საკლუბო ტურნირის ჩემპიონის ტიტულს ისტორიაში მესამედ დაეუფლა.

შეხვედრის ერთადერთი გოლის ავტორი ბრენან ჯონსონი გახდა, რომელმაც მეტოქის კარი პირველი ტაიმის მიწურულს აიღო და ევროტურნირებზე ტოტენჰემის 41-წლიანი უტიტულო სერია დაასრულა.

პრემიერ ლიგაში წარუმატებელი ასპარეზობისა (მე-18 ადგილი) და ჩავარდნილი სეზონის მიუხედავად, ტოტენჰემმა ევროპა ლიგის მოგებით, მომავალი სეზონის ჩემპიონთა ლიგაზე თამაშის უფლება მოიპოვა.