41 887 - საქართველოსა და ბელგიის მატჩში ევროპის 21-წლამდელთა ჩემპიონატის დასწრების რეკორდი დამყარდა

ევროპის 21-წლამდელთა ჩემპიონატის A ჯგუფის მეორე ტურში საქართველოს ნაკრებმა ბელგიასთან ფრედ, ანგარიშით 2:2 ითამაშა.

,,დინამო არენაზე” გამართულ შეხვედრას ოფიციალური მონაცემებით 41 887 მაყურებელი დაესწრო, რაც ტურნირის ისტორიაში რეკორდული მაჩვენებელია.

აქამდე რეკორდი ბარსელონას ეკუთვნოდა – 1996 წელს, იტალიისა და ესპანეთის ფინალურ მატჩს, 35,500 მაყურებელი დაესწრო.

ევროპის ჩემპიონატის A ჯგუფის 2 ტურის შემდეგ, საქართველოს 4 ქულა აქვს და სატურნირო ცხრილის პირველ პოზიციაზეა.

რამაზ სვანაძის გუნდი მომავალ მატჩს სამშაბათს, 27 ივნისს, ნიდერლანდების წინააღმდეგ გამართავს.