4 გაშვებული გოლი და შეცვლა პირველი ტაიმის შემდეგ - გუგეშაშვილის ცუდი მატჩი გაზიანთეფთან

თურქეთის სუპერლიგის მე-4 ტურში გიოზთეფემ გაზიანთეფს უმასპინძლა და 2:4 დამარცხდა.

გიოზთეფეს ძირითად შემადგენლობაში ითამაშა ლუკა გუგეშაშვილმა, რომელმაც 4-ვე გოლი პირველ ნახევარში გაუშვა. 27 წლის მეკარე მთავარმა მწვრთნელმა, სტანიმირ სტოილოვმა, ტაიმის დასრულებისთანავე შეცვალა.

როგორც თურქული მედია წერს, ქართველ მეკარეს გულშემატკივრები მთელი ტაიმის განმავლობაში უსტვენდნენ:

ქართველი მეკარე, ლუკა გუგეშაშვილი გულშემატკივრების მთავარი სამიზნე გახდა. ფანები მეკარეს ბურთთან ყოველი შეხებისას უსტვენდნენ. ქომაგები გიოზთეფეს აკადემიის აღზრდილის, სათადარიგო სკამზე მყოფი მეკარის, არდა ოზჩიმენის სასარგებლოდ სკანდირებდნენ.

გუგეშაშვილს პირველ ტაიმში სულ 4-ჯერ დაურტყეს და, სამწუხაროდ, 4-ვე ეპიზოდი გოლით დასრულდა. Flashscore-მა ქართველი მეკარის თამაში ყველაზე დაბალი - 4,3 ქულით შეაფასა.