4-დღიანი ვარჯიშის შემდეგ, ბაიერნმა ბოატენგი უარით გაისტუმრა

ივნისის ბოლოდან, მას შემდეგ რაც ჟერომ ბოატენგმა "ლიონი" დატოვა, გერმანელი მცველი უგუნდოდ არის. TEAMTALK-ის მიერ გავრცელებული ინფორმაციის თანახმად, "ევერტონი" მის გადმობირებას ცდილობდა. თუმცა, ბოატენგის მხარემ განაცხადა, რომ მცველი "ბაიერნში" აპირებდა დაბრუნებას. ჟერომმა "რეკორდმაისტერთან" ერთად 4 დღე ივარჯიშა, თუმცა, გერმანული კლუბისგან მაინც უარი მიიღო. 

გერმანელი მცველი საკუთარი კონდიციების გასაუმჯობესებლად გუნდთან ერთად ვარჯიშობდა. Sky Sports Germany-ს მიერ გავრცელებული ინფორმაციით, 35 წლის მცველის დამატებაზე უარი თომას ტუხელმა განაცხადა. როგორც ფაბრიციო რომანო წერს, აღნიშნული გადაწყვეტილება ტუხელმა სხვადასხვა საფეხბურთო მიზეზებისა და ფანების რეაქციის გამო მიიღო.

შეგახსენებთ, რომ ბოატენმა ბავარიულ კლუბში 10 წელზე მეტი გაატარა და ამ დროის განმავლობაში "ბაიერნის" მაისური 363-ჯერ მოირგო. ამ დროის განმავლობაში ჟერომმა 9 ბუნდესლიგა, 5 გერმანიის თასი, 5 გერმანიის სუპერ თასი, 2 უეფას სუპერ თასი და 2 ჩემპიონთა ლიგა მოიგო.