,,1088'' - რა დაუწერა სობოსლაიმ არდა გიულერს სოციალურ ქსელში

ერთა ლიგის პლეი-ოფის საპასუხო მატჩში თურქეთის ეროვნულმა ნაკრებმა უნგრეთი 3:0 დაამარცხა.

შეხვედრის მიმდინარეობისას დომინიკ სობოსლაი და არდა გიულერი ერთმანეთს სიტყვიერად რამდენიმეჯერ დაუპირისპირდნენ. მხარეებს შორის დაძაბულობა თამაშის შემდეგაც გაგრძელდა. ,,ლივერპულის'' ნახევარმცველი სოციალურ ქსელში გავრცელებულ ფოტოს გამოეხმაურა, სადაც ჩანს თუ როგორ აჩუმებს მას არდა გიულერი.

,,1088'' - დაწერა უნგრელმა პოსტის კომენტარებში, რითაც ყურადღება მადრიდის ,,რეალში'' თურქი ფეხბურთელის სათამაშო დროზე გაამახვილა.

სობოსლაის რეპლიკა უპასუხოდ არც გიულერს დაუტოვებია:

ეს ბიჭი სასაცილოა! ნუთუ, 6 გოლი საკმარისი არ არის იმისთვის, რომ მოკეტო? - დაწერა არდამ ინსტაგრამის პირად გვერდზე.

სწორედ 6 გოლი გაუტანა თურქეთის ნაკრებმა უნგრეთს ორმატჩიან დაპირისპირებაში, რითაც A დივიზიონში დაწინაურდა.