იუსუფ იაზიჩი : ,,როგორც დავიწყებთ, ზუსტად ისე გაგრძელდება''.

ევროპის ჩემპიონატის დაწყებამდე მხოლოდ ერთი დღეა დარჩენილი და რა თქმა უნდა, საქართველოსთვის განსაკუთრებულად მნიშვნელოვანი მატჩების წინ, ვნებათაღელვა კიდევ უფრო იმატებს.

თურქულ მედიაში ვრცელდება ინტერვიუ ნაკრების ერთ ერთ გამორჩეულ ფეხბურთელთან, იუსუფ იაზიჩისთან, რომელიც ნაკრებთან ერთად მოსამზადებელ ეტაპს გადის.

მისი თქმით, მიუხედავად განსაკუთრებულად კარგი ფეხბურთელების გამოკლებისა, მნიშვნელოვანია დადებითი განწყობის შენარჩუნება: ,,როგორც დავიწყებთ, ზუსტად ისე გაგრძელდება ჩვენთვის ჩემპიონატი’’.

18 ივნისს, სამშაბათს, საქართველო თურქეთს დაუპირისპირდება, იუსუფის თქმით, საქართველო ძალიან კარგი გუნდია, თუმცა მათ არა მხოლოდ საკუთარი გამოცდილების, არამედ გერმანიაში მცხოვრები თურქი გულშემატკივრების იმედიც აქვთ.