ევრო 2024 | საქართველო - ჩეხეთი | 21 ივნისის განრიგი

საქართველოს ეროვნული ნაკრები ევროპის ჩემპიონატის მეორე ტურის მატჩისთვის მზადებას განაგრძობს. 

20 ივნისს, ვილი სანიოლის გუნდმა ფელბერტის საწვრთნელ ბაზაზე 25 ფეხბურთელის შემადგენლობით ივარჯიშა. ინდივიდუალური პროგრამით აგრძელებს მზადებას ოთარ კიტეიშვილი

საქართველოს ეროვნული ნაკრები ევრო 2024-ის ჯგუფური ეტაპის მეორე ტურში ჩეხეთის ნაკრებს 22 ივნისს, ჰამბურგში დაუპირისპირდება. 21 ივნისს, ჩვენი გუნდი მატჩისწინა ვარჯიშს ფელბერტში გამართავს. აკრედიტებული მედიისთვის ვარჯიშის საწყისი 15 წუთი ღია იქნება.  საწვრთნელი პროცესის დასრულების შემდეგ, ნაკრები ჰამბურგში გაემგზავრება, სადაც მატჩის მასპინძელ სტადიონზე მატჩის ოფიციალური პრესკონფერენცია გაიმართება. 

ევროპის ჩემპიონატზე სადებიუტო მატჩის და ჩეხეთთან მოახლოებული შეხვედრის შესახებ სფფ-ის პრეზიდენტმა, ლევან კობიაშვილმა ისაუბრა. 

21 ივნისის განრიგი (ცენტრალური ევროპის დროით)

10:00 - საქართველოს ნაკრების ვარჯიში (ფელბერტი)

18:30 - საქართველოს ნაკრების მატჩისწინა პრესკონფერენცია (ჰამბურგი, ფოლკსპარკშტადიონი)

წყარო: nakrebi.ge