რომის მასტერსი | შთამბეჭდავი პირველი სეტის მიუხედავად, ბასილაშვილი რუბლევთან დამარცხდა

საქართველოს ნომერ პირველი ჩოგანი - ნიკოლოზ ბასილაშვილი, რომის მასტერსის 1/8-ფინალში ანდრეი რუბლევთან დამარცხდა და ტურნირს გამოეთიშა.

ნიკოლოზ ბასილაშვილმა დაპირისპირება ბრწყინვალედ დაიწყო და პირველი სეტი 6:3 მოიგო - რუსმა მეტოქემ გარდატეხა მეორე სეტში შეიტანა, რომელშიც ტაიბრეიკში 7:6(7:5) გაიმარჯვა - მესამე სეტში კი ბასილაშვილი უშანსოდ დაამარცხა. საბოლოოდ 3-სეტიანი დაპირისპირება ანდრეი რუბლევის გამარჯვებით 3:6, 7:6(7:5), 6:2 დასრულდა.

შეგახსენებთ, რომ ეს ბასილაშვილსა და რუბლევს შორის გამართული მერვე დაპირისპირება იყო, საიდანაც ნიკამ მეტოქე სამჯერ დაამარცხა.

ნიკოლოზ ბასილაშვილმა რომის მასტერსზე ასპარეზობა საკვალიფიკაციო ეტაპიდან დაიწყო და რუბლევთან 1/8-ფინალურ წაგებანდე 5 მეტოქე დაამარცხა - მათ შორის ბენ შელტონი (6) და ბრენდან ნაკაშიმა (32).