რაფაელ ნადალი ლეივერის თასზე ევროპის გუნდს წარადგენს

ესპანელი ჩოგბურთელი ლეგენდარული რაფაელ ნადალი 2024 წელს ბერლინში გასამართ ლეივერის თასზე (Laver Cup) ევროპის გუნდს წარადგენს. ტურნირი 20-22 სექტემბერს გაიმართება.

ევროპის გუნდში ჯერ ჯერობით ცნობილია რამდენიმე ჩოგბურთელის ვინაობა, ესენი არიან: მსოფლიოს მე-3 ნომერი კარლოს ალკარასი, მე-4 ნომერი დანიილ მედვედევი, მე-5 ალექსანდრ ზვერევი და მათი კაპიტანი იქნება რა თქმა უნდა ბიორნ ბორგი.

რაფაელ ნადალისთვის 2024 წელი მის პროფესიონალურ კარიერაში შესაძლოა ბოლო იყოს და დიდი შანსია სწორედ ამ ტურნირით დამთავრდეს ესპანელი ჩოგბურთელის კარიერა.

მსოფლიოს გუნდის კაპიტანმა ჯონ მაკინროიმ ამ თვის დასაწყისში გამოაცხადა თავის სიაში პირველი სამი მოთამაშე - ავსტრალიელი ალექს დე მინორი და ამერიკელები ტეილორ ფრიცი და ტომი პოლი.

ეს იქნება ბოლო წელი, როდესაც ბორგი და მაკინროი ერთმანეთს დაუპირისპირდებიან, როგორც ლეივერის თასის გუნდის კაპიტნები, ისინი გუნდების კაპიტნები გახსნის დღიდან არიან (2017 წლიდან).

შეგახსენებთ, რეიტინგის სამი საუკეთესო მოთამაშე თითოეულ გუნდში მიიღებს გარანტირებულ მოწვევას როლან გაროსის შემდეგ (2024 წლის 10 ივნისი). დარჩენილი სამი იქნება კაპიტნების არჩევანი და დაასახელებენ აშშ-ის ღია პირველობის დაწყებამდე ნებისმიერ დროს.