ყოველწლიური საჩოგბურთო კალენდარი დასკვნით ფაზაში გადავიდა.
მაღალი დონის ტურნირებიდან პარიზის მასტერსი და ლონდონის შემაჯამებელი ტურნირია დარჩენილი, სადაც უმაღლესი დონის ჩოგბურთელები იქნებიან წარმოდგენილნი.
ნიკოლოზ ბასილაშვილისათვის 2021 წელი მისი კარიერის ერთ-ერთი გამორჩეული წელი იყო, ვინაიდან 2 ტიტულის, დოჰასა და მიუნხენის ტურნირების მოგება, შეძლო.
ნიკას ნახევარი ნაბიჯი დააკლდა მასტერსის ტიპის ტურნირის, ინდიან უელსის, მოგებამდე, თუმცა გარდამტეხ მომენტში ბედი კამერონ ნორის მხარეს გადაიხარა.
გამომუშავებული თანხის მხრივ, ნიკოლოზს მშვენიერი რეალობა აქვს - ჯამში, 2021 წელს, ქართველმა ჩოგბურთელმა 1,588,529 ამერიკული დოლარი გამოიმუშავა.
საყურადღებოა, რომ ნიკა პარიზის მასტერსზეც იქნება და თუ მის ამჟამინდელ კონდიციებს გავითვალისწინებთ, მოლოდინები საკმაოდ დიდია.
.32.webp)
