ოფიციალურად | რაფა ნადალი ამერიკის ღია პირველობას მოეხსნა
2024 წლის მესამე სლემზე - ამერიკის ღია პირველობაზე, მონაწილეობას ვერ მიიღებს ლეგენდარული - რაფა ნადალი, რომელმაც ეს ინფორმაცია სოციალურ ქსელში გამოაქვეყნა და დაადასტურა, რომ დიდი სლემის შეჯიბრს მოეხსნა.
მიზეზი კვლავ ტრავმაა, რომელიც ნადალმა პარიზის ოლიმპიური თამაშების შემდეგ ვერ მოირჩინა და US OPEN-ისთვის 100%-სათამაშო კონდიცია არ აქვს, სწორედ ამიტომ, ლეგენდარულმა "მატადორმა" გადაწყვიტა, რომ ამერიკის ღია პირველობაზე აღარ ითამაშოს.
Hi all, writing today to let you guys know that I have decided not to compete at this year’s US Open a place where I have amazing memories.
— Rafa Nadal (@RafaelNadal) August 7, 2024
I will miss those electric and special night sessions in NYC at Ashe, but I don’t think I would be able to give my 100% this time.
Thanks… pic.twitter.com/FluGRWUzIp
აქვე გეტყვით, რომ 38 წლის ლეგენდარულმა ჩოგბურთელმა დაადასტურა, რომ მისი შემდეგი ტურნირი მომავალ თვეში - ლეივერის თასზე იქნება.
4-გზის US OPEN-ის გამარჯვებული იმედოვნებს, რომ ტრავმები მას საბოლოოდ ხელს არ შეუშლის და ამ ფაქტის გამო კარიერის დასრულება ნაადრევად არ მოუწევს.
უკვე ცნობილია, რომ რაფა ნადალის გარდა, ამერიკის ღია პირველობას: კამერონ ნორი და მარკეტა ვონდრუსოვა გამოაკლდებიან.
ამერიკის ღია პირველობაზე, რაფა ნადალს მაკენზი მაკდონალდი ჩაანაცვლებს.
სხვა სტატიები
