"ნოვაკ ჯოკოვიჩი ჩოგბურთის ისტორიაში საუკეთესო მოთამაშეა" - ბიორნ ბორგი

2 თვის წინ ჩოგბურთი

1 წთ

ჩოგბურთის ლეგენდამ ბიორნ ბორგმა Sky Sports-თან ისაუბრა და დაასახელა ყველა დროის საუკეთესო ჩოგბურთელი. 69 წლის შვედმა პირველ ადგილზე ნოვაკ ჯოკოვიჩი გაიყვანა.

ჩემთვის ნოვაკ ჯოკოვიჩი საუკეთესო მოთამაშეა, ვისაც კი ჩოგბურთი უთამაშია. მეორე ადგილზე როჯერ ფედერერს გავიყვანდი, მესამეზე კი რაფაელ ნადალს, ისინი მე-2 ადგილს ინაწილებენ. გასაოცარია როგორ შეუძლია მას ასეთი ჩოგბურთის თამაში 38 წლის ასაკში. მან ჩემზე ძალიან დიდი შთაბეჭდილება მოახდინა.

ვიცი, რომ მას 25-ე დიდი სლემის ტურნირის მოგება სურს. იმის გათვალისწინებით როგორც ახლა ის თამაშობს, იმედი მაქვს, რომ კიდევ ერთ წელი იასპარეზებს, სულ მცირე მომავალ წელსაც. ვიცი, რომ კარლოს ალკარასთან და იანიკ სინერთან კონკურენციის გაწევა რთული იქნება, მაგრამ მე მაინც მჯერა, რომ მას ამის გაკეთება შეუძლია. - ბიორნ ბორგი

"Djokovic, for me, is the greatest player to have ever played the game"

Bjorn Borg weighs in on the GOAT debate 🐐 pic.twitter.com/mZyOQ9Znt9
— Sky Sports Tennis (@SkySportsTennis) September 23, 2025

შეგახსენებთ, რომ ბიორნ ბორგს 11 დიდი სლემის ტურნირი აქვს მოგებული. ლეგენდარულ ჩოგბურთელს 5 უიმბლდონი და 6 საფრანგეთის ღია პირველობის ტიტული აქვს.

ზაალ ჩიხლაძე

სხვა სტატიები

ნოვაკ ჯოკოვიჩმა უნიკალური რეკორდი დაამყარა