ნიკ კირიოსი: 'უიმბლდონზე ხაზის მსაჯობა არ უნდა გაუქმებულიყო'

წელს, პირველად ისტორიაში, უიმბლდონის ლეგენდარულ კორტზე, ხაზის მსაჯობაში ადამიანები აღარ არიან ჩართული და სისტემა მთლიანად ელექტრონული გახდა. All England Club-ის აღმასრულებელმა დირექტორმა, სალი ბოლტონმა განმარტა, რომ გადაწყვეტილება ტურნირამდე „მნიშვნელოვანი განხილვისა და კონსულტაციების“ შემდეგ მიიღეს.

ორგანიზატორები მიიჩნევენ, რომ ეს შესაფერისი დრო იყო სიზუსტის გასაუმჯობესებლად და მნიშვნელოვანი ნაბიჯის წინ გადასადგმელად. ამ ცვლილების წინააღმდეგ ნიკ კირიოსი გამოვიდა, ავსტრალიელს სურდა, რომ უძველესი ჩოგბურთის ტურნირი ტრადიციულ ჩარჩოებში დარჩენილიყო და 1877 წლიდან არაფერი შეცვლილიყო.

სხვათაშორის, კირიოსი ის ჩოგბურთელია, რომელმაც უიმბლდონის ტრადიციებს თავად არ სცა პატივი. სამი წლის წინ, თამაშის დროს წითელი ქუდისა და ფეხსაცმლის ტარების გამო ის 16 000 დოლარით დააჯარიმეს. 1995 წლიდან, ოფიციალური გადაწყვეტილება მოითხოვს, რომ როგორც მამაკაცმა, ასევე ქალმა მოთამაშეებმა „თითქმის მთლიანად თეთრი“ ტანსაცმელი ატარონ.