კვლავ სეტის წაუგებლად - ჯოკოვიჩი ავსტრალიის ღია პირველობის მომდევნო ეტაპზეა

ავსტრალიის ღია პირველობის 1/16-ფინალში ნოვაკ ჯოკოვიჩმა ნიდერლანდელი ბოტიჩ ვან დე ზანდშულპი სეტის წაუგებლად 3:0 დაამარცხა (6:3, 6:4, 7:6 (7:4)). 38 წლის სერბმა ლეგენდამ მიმდინარე წლის დიდი სლემი შესანიშნავად დაიწყო, მან უკვე მე-3 შეხვედრა ჩაატარა და არცერთში სეტიც კი არ წაუგია. დაპირისპირება 2:46 საათი მიმდინარეობდა.

ნოვაკ ჯოკოვიჩმა აქამდე, 1/64-ფინალში ჯერ ესპანელი პედრო მარტინესი, ხოლო 1/32-ფინალში ფრანჩესკო მაესტრელი დაამარცხა.

მომდევნო ეტაპზე ჯოკოვიჩის მეტოქე იაკუბ მენსიკსა და ითან ქუინს შორის გამარჯვებული იქნება.

შეგახსენებთ, ავსტრალიის ღია პირველობის მოქმედი გამარჯვებული იანი სინერია, ხოლო რეკორდსმენი ნოვაკ ჯოკოვიჩია, მას აღნიშნული ტურნირი 10-ჯერ აქვს მოგებული.