ბასილაშვილი მალიორკას ტურნირზე საკვალიფიკაციო ეტაპიდან ჩაერთვება
მსოფლიოს 25-ე ჩოგანი, ნიკოლოზ ბასილაშვილი მალიორკას ღია პირველობაზე (ATP-ის 250-იანი ტურნირი) ასპარეზობას საკვალიფიკაციო ეტაპიდან დაიწყებს და მისი პირველი მეტოქე მატს როზენკრანცი (346) იქნება. შეხვედრა შაბათს, 14:30 საათზეა ჩანიშნული. გამარჯვების შემთხვევაში, ბასილაშვილი მომდევნო ეტაპზე ანტუან ბელერსა (307) და კარლოს ტაბერნერს (88) შორის მოგებულს დაუპირისპირდება. მალიორკაში პირველ ნომრად განთესილი დანილ მედვედევია, მეორე სტეფანოს ციციპასია, მესამე კი – დენის შაპოვალოვი. ბასილაშვილმა ბოლოს ჰალეს ღია პირველობაზე ითამაშა, სადაც 1/8-ფინალში ოსკარ ოტესთან დამარცხდა. Mallorca Open-ის მოქმედი ჩემპიონი დანილ მედვედევია, რომელმაც შარშან ფინალში სემ კუერის მოუგო.
ORDER OF PLAY 💚 DAY 1⃣ 👉 Qualifying (Q1) 🗓️ Saturday, 18 June ⏰ 11.00 am 📍 Mallorca Country Club@atptour | @ATPTour_ES | #MallorcaChampionships pic.twitter.com/pDOhlyChCE — Mallorca Championships (@MallorcaChamps) June 17, 2022
სხვა სტატიები
