5 საათი და 36 წუთი - US OPEN-ზე რეკორდული და ისტორიული მატჩი შედგა

წლის მესამე სლემმა - ამერიკის ღია პირველობამ სტარტი 19 აგვისტოს აიღო და 9 სექტემბერს დასრულდება.

US OPEN-ის 2024 წლის პირველი ეტაპის შეხვედრები ოფიციალურად დასრულებულია, თანაც დიდებული მატჩით დაიხურა, რომელიც ამ შეჯიბრის ისტორიაში ერთ-ერთი ყველაზე დიდებული მატჩი გამოდგა.

კერძოდ, ბრიტანელი - დანი ევანსისა და რუსი - კარენ ხაჩანოვის მატჩი 5 საათისა და 36 წუთის განმავლობაში გაგრძელდა, რაც ამ შეჯიბრის ისტორიაში ყველაზე ხანგრძლივი შედეგია.

მატჩი 5 სეტით დასრულდა, სადაც დანი ევანსმა საოცარი ქამბექი შემოგვთავაზა - კერძოდ, მეხუთე სეტში, ბრიტანელი ჩოგბურთელი 0:4-ს აგებდა და საკუთარ ჩაწოდებაზე მის მეტოქეს ორმაგი ბრეიკ პოინტი ჰქონდა, თუმცა ევანსმა ამ მატჩის მოგება მაინც შეძლო.

• I სეტი | დანი ევანსი 6:7 კარენ ხაჩანოვი

• II სეტი | დანი ევანსი 7:6 კარენ ხაჩანოვი

• III სეტი | დანი ევანსი 7:6 კარენ ხაჩანოვი

• IV სეტი | დანი ევანსი 4:6 კარენ ხაჩანოვი

• V სეტი | დანი ევანსი 6:4 კარენ ხაჩანოვი