მსოფლიო რეიტინგის მე-2 ნომერი, სერბი ნოვაკ ჯოკოვიჩი შანხაის მასტერსზე ასპარეზობს. მან საკუთარი მეორე (1/16-ფინალური) შეხვედრა იტალიელი მარკო ჩეკინატოს წინააღმდეგ გამართა.
ჩეკინატო მსოფლიოს 21-ე ჩოგანია, შეგახსენებთ, რომ იგი ნოვაკ ჯოკოვიჩს წლევანდელ როლან გაროსზე დაუპირისპირდა და სენსაციური შედეგი დააფიქსირა - მარკომ ნოვაკი 3:1 დაამარცხა.
დღევანდელ შეხვედრაში ადვილად შესამჩნევი იყო, რომ სერბი ჩოგბურთელი ძალიან მოტივირებული იყო მეტოქის დასამარცხებლად და "შურის საძიებლად".
პირველი სეტში თავდაპირველი გეიმები თანაბრად, ბრეიკის გარეშე მიმდინარეობდა, თუმცა რიგით მე-7 გეიმში ჯოკოვიჩმა მოახერხა ბრეიკის გაკეთება, რაც საკმარისი აღმოჩნდა სეტის მოსაგებად.
მეორე სეტში კი ჯოკოვიჩმა მეტოქე მშრალზე დატოვა.
შეხვედრის საბოლოო ანგარიში ასეთია - 6:4, 6:0 ნოლეს სასარგებლოდ.
