რუსეთი "რუს ბარბაროსებთან" დამარცხდა
რუსეთის უკრაინაში შეჭრისა და ფართომასშტაბიანი ომის წამოწყების ფონზე, პრაქტიკულად ყველა სპორტულმა ორგანიზაციამ რუსეთი საკუთარი რიგებიდან მოკვეთა - გამონაკლისი არც მსოფლიო რაგბი და რაგბი ევროპა აღმოჩნდა, რომელთაც რუსეთის რაგბის კავშირს მათი ეგიდით გამართულ ტურნირებში მონაწილეობა აუკრძალა.
რუსეთის მორაგბეთა ეროვნული ნაკრები და რუსული კლუბები მძიმე დარტყმის ქვეშ აღმოჩნდნენ - კლუბებს ევროსარბიელზე ასპარეზობა აეკრძალათ, ნაკრებს კი საერთაშორისო ტესტ-მატჩებისა და რაგბი ევროპის ჩემპიონატზე ასპარეზობის უფლება ჩამოერთვა.
აღნიშნულიდან გამომდინარე რუსეთის რაგბის კავშირს ზომები უნდა მიეღო. ხელმძღვანელებმა დიდი ფიქრის შემდეგ, გადაწყვიტეს, რომ რუსეთის ჩემპიონატში მოთამაშე მორაგბეებისაგან დაკომპლექტებული გუნდი შეექმნათ, რომელსაც "რუსი ბარბაროსები" დაარქვეს.
Концовка осталась за нашими парнями, но победили российские «Барбарианс» 🏉
— Регби России / Rugby Russia (@RugbyRussia) October 29, 2022
Волгоград, спасибо за поддержку 💪🏻 pic.twitter.com/ibsQd81inR
რუსეთის მორაგბეთა ეროვნული ნაკრებისა და "რუსი ბარბაროსების" დაპირისპირება ყველასათვის მოულოდნელი შედეგით დასრულდა. სახელდახელოდ შეკრებილმა გუნდმა რუსეთის სიამაყე დაამარცხა. "დათვებისა" და "რუსი ბარბაროსების" სარაგბო მატჩი, რომელიც 29 ოქტომბერს გაიმართა, ეროვნული ნაკრების მარცხით, 21:22 დასრულდა.
