რიჩარდ ქოქრილმა ბორჯღალოსნებისა და საქართველოს შესახებ ისაუბრა
6 თვის წინ
რაგბი
1 წთ
საქართველოს მორაგბეთა ეროვნული ნაკრებისა და შავი ლომის მთავარმა მწვრთნელმა, რიჩარდ ქოქრილმა, მის ყოფილ მორაგბესთან, ბენ ჰერინგსთან პოდკასტში ბორჯღალოსნებისა და საქართველოს შესახებ ესაუბრა,
"ვფიქრობ, ქართველები პირდაპირი და ძალიან შრომისმოყვარეები არიან. ქართველებს არ აინტერესებთ, თუ რა გააკეთე წარსულში - მნიშვნელობა არ აქვს წვრთნიდი მსოფლიოს საუკეთესო თხუთმეტეულს, თუ რაგბის მსოფლიო თასი ოცჯერ მოიგე. მათთვის მთავარია იცოდნენ, რომ კარგი ადამიანი ხარ, თავდაუზოგავად შრომობ და მათთან მუშაობისას პატივისცემას ავლენ.
მათ არ აღელვებთ, თუ რას ეტყვი რაგბის შესახებ - მთავარია პატივისცემა. პირველი რამ, რაც ქართველებთან მუშაობისას ვისწავლე არის ის, რომ მთავარია მათი პატივისცემა როგორც ადამიანმა მოიპოვო, მხოლოდ ამის შემდეგ მოგისმენენ, თუ რას ესაუბრები რაგბის შესახებ.
სიყვარული, რომელსაც ქართველი მოთამაშეები ვარჯიშებზე ერთმანეთის მიმართ ავლენენ, მანამდე არსად მიგრძვნია. ქართველებს უყვართ ერთმანეთი, მათი ერთმანეთისადმი ერთგულება წარმოუდგენელია.
საქართველო ძალიან ამაყი ქვეყანაა, რომელსაც უდიდესი ისტორია გააჩნია. ქვეყანა, რომელიც ათასწლეულებია არსებობს. ქართველები, ყოველთვის დამპყრობლებისგან იცავდნენ თავს და არასდროს მომხდარა საპირისპიროდ. ეს არის ქვეყანა, რომელიც ყოველთვის იცავდა თავს და თუ დააკვირდები, ეს ბორჯღალოსნების თამაშსა და მათ მენტალიტეტში ჩანს. შენც გინახავს, როგორ იბრძვიან ისინი საქართველოს კვართით - გააკეთებენ თავგანწირულ ბოჭვას, მოედანზე დაანთებენ ცეცხლს და არ დაიხევენ უკან. ქართველებს უყვართ რაგბი. აქვთ გასაოცარი სამზარეულო და ღვინო. თბილისი ულამაზესი ქალაქია და საქართველო გამორჩეული ქვეყანაა. შესაძლოა მზიანი დღით ტკბებოდე, 2 საათის შემდეგ კი სათხილამურო კურორტზე წახვიდე, ან შავი ზღვა მოინახულო" - რიჩარდ ქოქრილი
Richard Cockerill tells his former Leicester back row Ben Herring about coaching 🇬🇪 Georgians.
— Tier 2 Rugby (@T2Rugby) May 15, 2025
"Real hard workers. They bat way above the resource and number of players they have [...] Georgians loyalty for each other is unbelievable ... as tight as I've ever seen". pic.twitter.com/x9T8C0zJ0E
სხვა სტატიები
