რაგბის მსოფლიო თასზე, ამაშუკელი მოქმედი ჩემპიონისა და ფინალისტის მატჩებზე იმსაჯებს

2023 წლის რაგბის მსოფლიო თასი, რომელსაც საფრანგეთი მასპინძლობს 8 სექტემბერს აიღებს სტარტს.

მსოფლიო თასის დაწყებამდე 17 დღით ადრე, მსოფლიო რაგბის ოფიციალურ გვერდზე დეტალური ინფორმაცია განთავსდა, თუ რომელი არბიტრი, რომელ მატჩს მოემსახურება.

საუკეთესო ქართველი არბიტრი, ნიკა ამაშუკელი მსოფლიო თასის ჯგუფური ეტაპის 7 მატჩზე იმუშავებს. მათ შორის სამს მთავარი არბიტრის რანგში გაუძღვება, ხოლო 4 მატჩში ასისტენტი იქნება.

9 სექტემბერი - ირლანდია Vs. რუმინეთი (მთავარი მსაჯი)

10 სექტემბერი - სამხრეთ აფრიკა Vs. შოტლანდია (პირველი ასისტენტი)

17 სექტემბერი - ინგლისი Vs. იაპონია (მთავარი მსაჯი)

22 სექტემბერი - არგენტინა Vs. სამოა (პირველი ასისტენტი)

24 სექტემბერი - შოტლანდია Vs. ტონგა (პირველი ასისტენტი)

1 ოქტომბერი - ავსტრალია Vs. პორტუგალია (მთავარი მსაჯი)

7 ოქტომბერი - ინგლისი Vs. სამოა (პირველი ასისტენტი)