Planet Rugby-მ ავსტრალიასთან ქართველი მორაგბეების თამაში შეაფასა
სარაგბო გამოცემამ Planet Rugby-მ ავსტრალიასთან წაგებულ მატჩში საქართველოს ნაკრებიდან ლუკა მატკავას თამაში გამოარჩია, რომელსაც ყველაზე მაღალი - 7 ქულა დაუწერა:
,,ბორჯღალოსნების მთავარმა გამთამაშებელმა რთულ მომენტებში კარგად ითამაშა და მეტოქის დაცვაც გამოსცადა. განსაკუთრებით მეორე ტაიმში, დაცვაშიც ბრწყინავდა.'' - წერს ვებგვერდი ქართველ მორაგბეზე.
6-ქულიანი შეფასება 5-მა ბორჯღალოსანმა (ნოდარ ჭეიშვილმა, თორნიკე ჯალაღონიამ, ლუკა ივანიშვილმა, ბექა გორგაძემ და დავით ნინიაშვილმა) დაიმსახურა.
ვებგვერდმა 5 ქულით შეაფასა აკაკი ტაბუცაძე, დემურ ტაპლაძე, კონსტანტინე მიქაუტაძე, შალვა მამუკაშვილი და ნიკა აბულაძე, ყველაზე დაბალი, 4-ქულით კი - გურამ პაპიძე, მირიან მოდებაძე, ვასკა ლობჟანიძე და მერაბ შარიქაძე.
მსოფლიო ჩემპიონატის პირველი ტურის შეხვედრაში საქართველო ავსტრალიასთან 15:35 დამარცხდა.
ბორჯღალოსნები მომავალ შეხვედრას 23 სექტემბერს, პორტუგალიის ნაკრების წინააღმდეგ გამართავენ.
🗣️ "The Lelos’ chief playmaker did well under trying circumstances as he had some good attacking moments and tested the Wallabies’ defence." #AUSvGEO
— Planet Rugby (@PlanetRugby) September 9, 2023
🇬🇪 Our Georgia player ratings after their #RWC2023 loss to Australia. https://t.co/RiZaiOh5HK
სხვა სტატიები
