"ნინიაშვილი ჯადოქრებისა და მამაცი მეომრების არსებობის დასტურია" - RUGBYPASS

2 დღის წინ რაგბი

1 წთ

დავით ნინიაშვილი თანამედროვე რაგბის ერთ-ერთი გამორჩეული ვარსკვლავია. ახალგაზრდული ასაკის მიუხედავად, მან შეძლო და საქართველოს მორაგბეთა ეროვნული ნაკრებისა და "ლიონის" ლიდერად ჩამოყალიბდა. 34 სანაკრებო კეპისა და დიდებული საკლუბო კარიერის განმავლობაში, 22 წლის ნინიაშვილმა გულშემატკივარი უამრავი გასაოცარი მომენტის მომსწრე გახადა.

რამდენიმე დღის წინ ცნობილი გახდა, რომ ნინიაშვილმა "ლა როშელთან" 2-წლიანი კონტრაქტი გააფორმა. ტოპ 14-ის მომავალი სეზონიდან ის ტიტულოვანი კლუბის ღირსებას დაიცავს და წარმატების მიღწევაში დაეხმარება. დიდებული სიახლის კვალდაკვალ, ავტორიტეტული სარაგბო გამოცემა RUGBYPASS ვრცელ სტატიას აქვეყნებს, სადაც ნინიაშვილს ჯადოქრად და უშიშარ მეომრად მოიხსენიებს.

ჯადოქრები და მამაცი მეომრები ზღაპრული სამყაროს პერსონაჟები არიან, თუმცა სარაგბო გადმოსახედიდან, დავით ნინიაშვილი მათი არსებობის მტკიცებულებაა. მჭრელი გარღვევებით, შესანიშნავი ლელოებითა და მატჩის მსვლელობის შემცვლელი გადაწყვეტილებებით, მან ევროპის მასშტაბით უამრავი გულშემატკივარი შეიძინა. "ლიონის" ვარსკვლავი ერთადერთი ქართველია, რომელიც ჩვენს მიერ შედგენილ 100 საუკეთესო მორაგბეს შორის მოხვდა და ის ჯერ მხოლოდ 22 წლისაა.

2023 წლის რაგბის მსოფლიო თასზე საქართველომ თავი ვერ გამოიჩინა, მაგრამ ნინიაშვილმა გაიბრწყინა. ის განსაკუთრებული მოთამაშე იყო, რომელიც გაჭრილი ხაზებისა და მოტყუებული დამცველებს რაოდენობით, ლიდერთა შორის მოხვდა.

ნინიაშვილი თანამედროვეობის ერთ-ერთი ყველაზე მომაკვდინებელი შემტევია. "ლიონსა" თუ "ბორჯღალოსნებში" თამაშისას, მისგან ნებისმიერ დროს უნდა ველოდოთ მატჩის მსვლელობის შეცვლას.

2025/26 წლების სეზონში დავით ნინიაშვილს ახალი გამოწვევა ელის. ცნობილია, რომ მან "ლა როშელთან" 2-წლიან კონტრაქტს მოაწერა ხელი. ერთ დროს საქართველო, უძლიერესი შერკინებით იყო ცნობილი, მაგრამ ახლა ნინიაშვილის სახით ბრჭყინვალე უკანახაზელებიც ჰყავთ. - RUGBYPASS

სტატიის ბოლოს, გამოცემა დავით ნინიაშვილის სიტყვებს ციტირებს, სადაც ქართველი ვარსკვლავი აღნიშნავს, რომ საქართველოს მორაგბეთა ეროვნულ ნაკრებს 2027 წლის რაგბის მსოფლიო თასის 1/4-ფინალში გასვლა შეუძლია.

ლევან მათეშვილი

სხვა სტატიები