მომენტი, როდესაც მამუკა გორგოძემ ტულონის გასახდელში დანა ამოიღო
2 წლის წინ
რაგბი
4 წთ
- გორგოძე: „ყველას ვალია, სამშობლოსთვის იმაზე მეტი გაიღოს, ვიდრე შეუძლია“
- საფრანგეთში მამუკა გორგოძე და მიხეილ ნარიაშვილი აღიარეს!
- World Rugby მამუკა გორგოძეს დაემშვიდობა
- Rugbypass-ის დიდების დარბაზი – მამუკა გორგოძე მსოფლიო რაგბის ლეგენდებს შორის!
- ჯონა ლომუ, მამუკა გორგოძე, შეინ უილიამსი – მსოფლიო რაგბის აღიარება
კითხვაზე, თუ ვისი ეშინოდა ყველაზე მეტად, ჰაბანამ შემდეგი კომენტარი გააკეთა: "რამდენიმე ქართველი იყო და უნდა ვაღიარო, რომ ყველაზე საშიში ადამიანი, რომელიც მინახავს მამუკა გორგოძეა. მის წინააღმდეგ ყოფნის მეშინოდა. კარგად უნდა დაფიქრდე, რადგან მის წინაშე ფეხის გადაბრუნებას აუცილებლად ინანებ. ვარჯიშებზე რამდენიმე დაპირისპირება მოხდა, რომელშიც მამუკამ არავინ დაინდო. გორგოძე ძალიან მოდური ადამიანია. მა'ა ნონუს adidas Yeezy-ს მოდელი ჰქონდა, რომელიც ძალიან მიმზიდველი იყო და ძნელად იშოვებოდა. მამუკა ამ ბოტასს დიდი ხნის განმავლობაში ეძებდა და ნონუს ჰკითხა, ჰქონდა თუ არა adidas-თან კონტაქტი. მა'ა არც დაფიქრდა და გორგოძეს საკუთარი ბოტასი შესთავაზა. მა'ა ნონუმ გორგოძეს საკუთარი adidas Yeezy აჩუქა - ის ძალიან მადლიერი დარჩა. მომდევნო დღეს, როდესაც ნონუ ვარჯიშზე მოვიდა, მამუკამ მადლობა გადაუხადა და დანა აჩუქა. ნონუ გაკვირვებული იყურებოდა და არ იცოდა, თუ რა უნდა მოეხერხებინა დანისთვის. მამუკამ უთხრა: "აიღე, ეს შენთვისაა". გორგოძის მხრიდან, ეს იყო მადლიერების, პატივისცემისა და ყველაფრის იდეალური გამოხატულება. მაგრამ, როდესაც მამუკა გორგოძემ მა'ა ნონუს დანა აჩუქა, "ტულონის" გასახდელში ყველა დავიზაფრეთ და აღვნიშნეთ: "კარგი, ჩვენ ახლა ამ ოთახიდან გავალთ და კარს ჩავკეტავთ. ძალიან გთხოვთ, რაც არ უნდა მოხდეს - ეს ნივთი გარეთ არ გამოიტანოთ". ის უდიდესი ჯენტლმენია, მაგრამ ამავდროულად ძალიან საშიში. მის წინააღმდეგ ყოფნას არასდროს ვისურვებ, რადგან მინახავს მისი მოქნეული მუშტის სიძლიერე". მოგვიანებით ბრაიან ჰაბანას სთხოვეს გაეხსენებინა ვარჯიშზე მომხდარი ყველაზე საზარელი ჩხუბი, რომელიც ოდესმე უნახავს. სამხრეთ აფრიკელს პასუხის გასაცემად დიდი დრო არ დასჭირდა: "მამუკა გორგოძისა და მარსელ ვან დერ მერვეს ჩხუბი".
სხვა სტატიები
