მძიმე დარტყმა საფრანგეთს - ნტამაკი რაგბის მსოფლიო თასს გამოტოვებს

საფრანგეთის მორაგბეთა ეროვნული ნაკრების ლაზარეთიდან, უსიამოვნო ინფორმაცია გავრცელდა. "ლე ბლეს" ერთ-ერთი ლიდერი და გამორჩეული მოთამაშე, რომან ნტამაკი 2023 წლის რაგბის მსოფლიო თასზე ვერ იასპარეზებს. 

L'Equipe-ს მტკიცებით, მსოფლიო თასისთვის მოსამზადებელ ტესტ-მატჩში, რომელშიც საფრანგეთისა და შოტლანდიის დაპირისპირება შედგა (30:27), ნტამაკმა მარცხენა მუხლზე ჯვარედინი მყესები გაიწყვიტა. აღნიშნულიდან გამომდინარე, მსოფლიო თასზე, მისი ასპარეზობა პრაქტიკულად გამორიცხულია. ნტამაკის მთავარ შემცვლელად, მეტიუ ჟალიბერი განიხილება. 

შეგახსენებთ, რაგბის მსოფლიო თასს საფრანგეთი მასპინძლობს. საფრანგეთის მორაგბეთა ეროვნული ნაკრები A-ჯგუფში იასპარეზებს და გახსნით მატჩში, ახალ ზელანდიას დაუპირისპირდება.