ფარელი, ნინაბერი - ვინ გახდება წლის საუკეთესო მწვრთნელი?!

2023 წლის რაგბის მსოფლიო თასის დასრულებამდე რამდენიმე დღეა დარჩენილი, რის შემდეგაც ჩემპიონთან ერთად, წლის საუკეთესო მწვრთნელის ვინაობასაც შევიტყობთ.

2023 წლის რაგბის მსოფლიო თასი დასკვნით ფაზაშია შესული - 27 ოქტომბერს, მესამე ადგილისთვის ინგლისი არგენტინას დაუპირისპირდება, ხოლო 28 ოქტომბერს, მსოფლიო ჩემპიონის ვინაობის დასადგენად, ახალი ზელანდიისა და სამხრეთ აფრიკის დაპირისპირება გაიმართება.

მსოფლიო რაგბიმ იმ 4 მწვრთნელის ვინაობა დაასახელა, რომლებიც წლის საუკეთესოს ტიტულზე არიან ნომინირებული.

4 ნომინანტი

1. ენდი ფარელი (ირლანდია)

2. ჟაკ ნინაბერი (სამხრეთ აფრიკა)

3. საიმონ რაივალუი (ფიჯი)

4. იან ფოსტერი (ახალი ზელანდია)