"შეთანხმება მიღწეულია" - ბერძნულ მედიაში ლუკა გუგეშაშვილის ტრანსფერზე საუბრობენ

ბერძნული მედიაში ვრცელდება ინფორმაცია, რომ საქართველოს ნაკრების მეკარემ, ლუკა გუგეშაშვილმა "პაოკთან" შეთანხმებას მიაღწია და ახალი სეზონიდან ამ ქვეყნის ერთ-ერთ ყველაზე ტიტულოვან გუნდში ითამაშებს.

საბერძნეთის 4-გზის ჩემპიონის ინტერესის შესახებ ინფორმაცია აქამდეც ვრცელდებოდა, ახლა კი ბერძნული მედია წერს, რომ ქართველი ფეხბურთელის დასამატებლად მხარეებს შორის აქტიური მოლაპარაკებები მიმდინარეობს და შეთანხმებაც მიღწეულია.

ლუკა გუგეშაშვილს ამ სეზონში, 23 მატჩში 4-ჯერ კარი მშრალად აქვს შენახული, ასევე 25 წლის მეკარე 94 მოგერიებით ჩემპიონატში მეორეა.