საქართველოს მოფარიკავეთა ნაკრები მსოფლიო ჩემპიონატის მერვედფინალშია

თბილისში მიმდინარე ფარიკაობის მსოფლიო ჩემპიონატზე გუნდური შეჯიბრი დაიწყო. საქართველოს ნაკრებმა, რომლის ღირსებასაც სანდრო ბაზაძე, ბექა ბაზაძე, ვახტანგ არჩვაძე და გიორგი ურუშაძე იცავდნენ, უკრაინის ნაკრები 45:28 დაამარცხა და T16-ში (მერვედფინალში) გავიდა.

ფარიკაობის მსოფლიო ჩემპიონატზე, გუნდურ ასპარეზობაში, შეჯიბრება 28 ივლისს, 09:00 საათიდან განახლდება - საქართველოს მეტოქე უნგრეთის ნაკრები იქნება.

შეგახსენებთ, რომ ინდივიდუალურ ასპარეზობაში მსოფლიო ჩემპიონი სანდრო ბაზაძე გახდა, რომელმაც საკუთარი გულშემატკივრის წინაშე ააჟღერა ეროვნული ჰიმნი.