ნიკოლოზ ბასილაშვილი მონპელიეს ტურნირის ძირითად ბადეში ითამაშებს

მსოფლიოს 178-ე ჩოგანმა, ნიკოლოზ ბასილაშვილმა მონპელიეს 250-ქულიანი ტურნირის (Open Occitanie) საკვალიფიკაციო ეტაპის ფინალში ფრანგი მეტოქე, ტიტუან დროჟე (175) დაამარცხა და ძირითად ბადეში თამაშის უფლება მოიპოვა.

დროჟემ მე-3 სეტში, როცა ანგარიში ბასილაშვილის სასარგებლოდ 5:4 იყო, ტრავმის გამო მატჩის გაგრძელება ვერ შეძლო.

ნიკოლოზი Open Occitanie-ს ძირითად ბადეში ასპარეზობას 1/16-ფინალიდან დაიწყებს და მსოფლიოს 112-ე ნომერს, მიხაილ კუკუშკინს დაუპირისპირდება.

ტურნირზე პირველ ნომრად განთესილი ანდრეი რუბლიოვია, მეორე ფელიქს ოჟე-ალიასიმია, მესამე კი – ფლავიო კობოლი.

მონპელიეს ტურნირის მოქმედი ჩემპიონი ალექსანდრ ბუბლიკია, რომელმაც შარშან ფინალში ბორნა ჩორიჩს მოუგო.

• ბასილაშვილმა მონპელიეში ბოლოს 2023 წელს იასპარეზა და მე-2 რაუნდში გრეგუარ ბარერთან დამარცხდა.