Mundo Deportivo: "მამარდაშვილის ბარსელონაში ტრანსფერის შანსი არსებობდა"

საქართველოს ნაკრების მეკარე, გიორგი მამარდაშვილი მომავალი წლის ზაფხულიდან კარიერას "ლივერპულში" გააგრძელებს, მაგრამ როგორც ირკვევა, არსებობდა შანსი, რომ ის "ბარსელონაში" გადასულიყო.

პოპულარული კატალონიური მედია საშუალება Mundo Deportivo "ბარსელონას" მეკარის პოზიციაზე მარკ ანდრე ტერ შტეგენის ტრავმით გამოწვეულ პრობლემებზე და მოგვარების გზებზე საუბრობს. სტატიაში აღნიშნულია, რომ ორი კანდიდატი, რომელსაც ამ დანაკლისის შევსება შეუძლიათ, "პორტუს" მეკარე, დიოგუ კოშტა და გიორგი მამარდაშვილი არიან.

გიორგი მამარდაშვილმა 2024/25 წლების სეზონში, ლა ლიგის საწყის 7 ტურში მიიღო მონაწილეობა და აქედან ორჯერ კარის მშრალად შენახვა მოახერხა.