მამარდაშვილმა პენალტი აიღო - ვალენსია კვლავ უქულოდაა

ლა ლიგის მეორე ტური "ბალაიდოსზე" გაიხსნა, სადაც ადგილობრივ "სელტას" "ვალენსია" ეწვია.

ტრადიციულად "ღამურების" კარს გიორგი მამარდაშვილი იცავდა, თუმცა "ვალენსიას" მეკარესა და დანარჩენ გუნდს შორის კლასში სხვაობა კიდევ ერთხელ გამოჩნდა, გიორგიმ პირველი ტაიმის მეხუთე დამატებულ წუთზე იაგო ასპასს თერთმეტმეტრიანი აუღო, ამის მიუხედავად "ვალენსიას" თამაში კრიტიკას ვერ უძლებს. მინგესამ, ასპასმა და ბელტრანმა მეტოქეს სამი გოლი გაუტანეს და ორი ტურის შემდეგ 6 ქულით დროებით ცხრილის სათავეში მოექცნენ.

გიორგის გუნდს შემდეგი მძიმე გამოცდა ოთხშაბათს ელის - "ღამურები" სტუმრად "ბილბაოს" დაუპირისპირდებიან.