ლუკა მაისურაძე: "ბევრი ვიმუშავე და ბედნიერი ვარ რომ დამიფასდა..."

1 მაისს, ბულგარეთის დედაქალაქ სოფიაში, ძიუდოს ევროპის ჩემპიონატი დასრულდა, სადაც ლაშა გუჯეჯიანის თავკაცობით, საქართველოს ძიუდოისტთა ნაკრებმა 4 მედალი: 2 ოქროსა და 2 ბრინჯაოს მედალი მოიპოვა. ევროპის ჩემპიონატის ბოლო საშეჯიბრო დღეს, -90 კგ წონით კატეგორიაში, ოქროს მედალი მოიპოვა - ლუკა მაისურაძემ, რომელმაც გამარჯვების შემდეგ ევროპის ძიუდოს ასოციაციასთან (EJU) კომენტარი გააკეთა.

ძალიან ბედნიერი ვარ, რომ სოფიაში ევროპის ჩემპიონი გავხდი. -90 კგ წონით კატეგორიაში გადმოსვლის შემდეგ, ძალიან ბევრს ვმუშაობ და მიხარია, რომ ეს შრომა დამიფასდა. ევროპის ჩემპიონატზე -81 კგ წონით კატეგორიაში 2 ბრინჯაოს მედალი მაქვს მოგებული, ახლა ოქროს მედალი მოვიგე, ნელ-ნელა წინ მივდივარ. დიდებული გრძნობაა".

შეგახსენებთ, რომ ლუკა მაისურაძე -81 კგ წონით კატეგორიაში ჭიდაობდა, სადაც ევროპის ჩემპიონატზე მას 2-ჯერ აქვს მოპოვებული ბრინჯაოს მედალი. -90 კგ წონით კატეგორიაში გადასვლის შემდეგ კი ეს მიდი სადებიუტო ევროპის ჩემპიონატი იყო, რომელიც ტრიუმფით დაასრულა.

ლუკა მაისურაძე: "ბევრი ვიმუშავე და ბედნიერი ვარ რომ დამიფასდა..."

სხვა სტატიები