IJF-ს განახლებული რეიტინგი - ღვინიაშვილი, სარდალაშვილი და სულამანიძე დაწინაურდნენ
2 წლის წინ
ქართული სპორტი
3 წთ
-60 კგ
-60 კგ წონით კატეგორიაში, მსოფლიო რეიტინგში დიდი ცვლილებები არ მომხდარა. ესპანელი - ფრანცისკო გარიგოსის წარმატების გამო, მსოფლიო რეიტინგში ერთი საფეხურით დაქვეითდა თემურ ნოზაძე, რომელიც ამ ეტაპზე მსოფლიო რეიტინგის მე-7 ნომერია. ზაგრების გრან პრიზე მოპოვებული ბრინჯაოს მედლით, გიორგი სარდალაშვილი მსოფლიო რეიტინგში 6 საფეხურით პროგრესირდა და 26-ე პოზიციიდან მე-20 ადგილზე გადაინაცვლა. 19 წლის ქართველი ფალავნის ანგარიშზე 1786 სარეიტინგო ქულაა.
-90 კგ
ზაგრების გრან პრიზე მოპოვებული ოქროს მედლით, ბექა ღვინიაშვილს მსოფლიო რეიტინგში 700 ქულა მოემატა და 1 პოზიციით დაწინაურდა. ახლა იგი -90 კგ წონითი კატეგორიის მეოთხე ნომერია. ბექას ანგარიშზე 4195 სარეიტინგო ქულაა და სულ რაღაც 26 ქულა აშორებს მესამე ადგილოსან, უნგრელ - კრისტიან ტოტთან. -90 კგ წონით კატეგორიაში მეექვსე და მეშვიდე ადგილებს ინაწილებენ: ლაშა ბექაური და ლუკა მაისურაძე. ბექაურის ანგარიშზე 3500 სარეიტინგო ქულაა, მაისურაძე კი 3150 ქულით მეშვიდე ადგილზე იმყოფება.
-100 კგ
ილია სულამანიძე ზაგრების გრან პრის ვიცე-ჩემპიონი გახდა. ფინალში გასვლით ილიამ 490 სარეიტინგო ქულა მოიპოვა და მსოფლიო რეიტინგში 3 პოზიციით დაწინაურდა. სულამანიძე 3422 სარეიტინგო ქულით, მსოფლიო რეიტინგის მეექვსე ნომერია. ერთი პოზიციით დაქვეითდნენ საქართველოს ნაკრების კაპიტანი - ვარლამ ლიპარტელიანი და ონისე სანებლიძე. ვარლამი 3319 ქულით მსოფლიო რეიტინგის მერვე პოზიციას იკავებს, სანებლიძე კი 3310 ქულით მეცხრე პოზიციაზე იმყოფება.
+78 კგ
ზაგრების გრან პრიზე, +78 კგ წონით კატეგორიაში მეხუთე ადგილი დაიკავა სოფიო სომხიშვილმა. სომხიშვილმა მეხუთე ადგილზე გასვლით მსოფლიო რეიტინგში +252 ქულა ჩაიწერა და 6 პოზიციით დაწინაურდა. ახლა 22 წლის ქართველი ძიუდოისტი, საკუთარი წონის 30-ე ნომერია და მის ანგარიშზე 1001 სარეიტინგო ქულაა.
სხვა სტატიები
