ეთერ ლიპარტელიანი: "ეს ყველაფერი ჩვენი ქვეყნისთვის გავაკეთეთ"

23 აპრილს , მონტენეგროს დედაქალაქ პოდგორიცაში, ძიუდოს ევროპის ჩემპიონატმა აიღო სტარტი, რომელიც 27 აპრილს, გუნდური პირველობითა და საქართველოს ჰიმნით დასრულდა.

საქართველოს ნაკრებმა ევროპის ჩემპიონატი (ინდივიდუალური) 2 ოქროსა (სარდალაშვილი, სულამანიძე) და 2 ვერცხლის (ლიპარტელიანი, გრიგალაშვილი) მედლით დაასრულა, ყველაზე სასიამოვნო ფაქტი კი ბოლო საშეჯიბრო დღეს დაფიქსირდა, სადაც საქართველოს ძიუდოისტთა ნაკრებმა ევროპის ჩემპიონატის ოქროს მედალი მოიპოვა.

ცალკე აღსანიშნია ის ფაქტი, რომ გუნდური პირველობის ჩემპიონობაში ლომის წვლილი შეიტანეს ქართველმა ქალმა გოგონებმა, რომლებმაც თითოეულ ბრძოლაში მთელი შესაძლებლობები ჩადეს და ფაქტიც სახეზეა - ეთერ ლიპარტელიანმა, მარიამ ჭანტურიამ და სოფიო სომხიშვილმა 9 ბრძოლა მოიგეს და მხოლოდ ერთხელ დამარცხდნენ.

ევროპის ჩემპიონობის შემდეგ, საქართველოს ქალთა ძიუდოისტთა ნაკრების ლიდერმა და ევროპის ვიცე-ჩემპიონმა, ეთერ ლიპარტელიანმა პირველი კომენტარი გააკეთა.

ეთერ ლიპარტელიანმა ევროპის გუნდურ პირველობაზე მონაწილეობა ოთხივე ბრძოლაში მიიღო და დაუმარცხებლად იჭიდავა. მან ფინალში იტალიის ნაკრების წინააღმდეგ, საქართველოს ნაკრები გადაარჩინა და ანგარიში 3:3 გახადა.