ესპანურმა გამოცემამ, ილია თოფურია წარმატებული წლისთვის დააჯილდოვა

UFC-ის ქართველი ჩემპიონი, ილია თოფურია, რომელიც ესპანეთის სახელითაც ასპარეზობს, Diario AS-მა დააჯილდოვა. ესპანურმა გამოცემამ, "ელ მატადორს" სანახაობრივი და წარმატებული წლისთვის AS Sports awards-ის ჯილდო გადასცა.

ილია თოფურიას გარდა დაჯილდოებაზე სხვა გამორჩეული ადამიანებიც იმყოფებოდნენ, რომლებმაც მიმდინარე წელს, ესპანურ სპორტს წარმატება მოუტანეს და კუთვნილი ჯილდოებიც მიიღეს: როდრი, ხორხე მარტინი, ლუის დე ლა ფუენტე, ნიკო უილიამსი, ლამინე იამალი, რუდი ფერნანდესი, სერხიო როდრიგესი და კარლოს საინსი.

შეგახსენებთ, ილია თოფურიამ UFC-ის საჩემპიონო ქამარი ალექს ვოლკანოვსკისთან ბრძოლაში მოიპოვა, ხოლო რამდენიმე თვის შემდეგ ტიტულის დაცვა მაქს ჰოლოუეისთან მოახერხა.