ძიუდოს მსოფლიო ჩემპიონატი: დღე II - ვაჟა მარგველაშვილი ოქროს მედალს შეუტევს | პრევიუ

დღეიდან, 6 ოქტომბრიდან, უზბეკეთის დედაქალაქ ტაშკენტში ძიუდოს მსოფლიო ჩემპიონატმა აიღო სტარტი. დღეს ტატამზე მამაკაცებში -60 კგ წონით კატეგორიამ, ქალებში კი -48 კგ წონითმა კატეგორიებმა იასპარეზეს.

2022 წლის ძიუდოს მსოფლიო ჩემპიონატის პირველ საშეჯიბრო დღეს, -60 კგ წონით კატეგორიაში, მონაწილეობა 2019 წლის მსოფლიო ჩემპიონმა - ლუხუმ ჩხვიმიანმა მიიღო, რომელიც სამწუხაროდ პირველივე ეტაპზე დამარცხდა და მსოფლიო ჩემპიონატი უმედლოდ დაასრულა.

მეორე საშეჯიბრო დღეს, ტატამზე -66 კგ წონით კატეგორიაში საქართველოს ნაკრების ღირსებას, ევროპის ჩემპიონი (2016 წელს), ტოკიოს ოლიმპიადის ვიცე-ჩემპიონი, მსოფლიო ჩემპიონატის ბრინჯაოს პრიზიორი (2017 წელს) - ვაჟა მარგველაშვილი დაიცავს.

დღე II – ტატამზე ვაჟა მარგველაშვილს ვიხილავთ (პრევიუ)

მსოფლიო ჩემპიონატის წარუმატებელი პირველი დღის შემდეგ, ვაჟა მარგველაშვილს დიდი შემართებითა და მიზნებით ველოდებით.

აღსანიშნავია ის ფაქტი, რომ ვაჟა მარგველაშვილს საკმაოდ კარგი ბადე აქვს, მხოლოდ 1/4- ფინალში გასვლის შემთხვევაში ხვდება იაპონელი - ჯოშირო მარუიამა.

თუმცა, ვიდრე ვაჟა 1/4-ფინალამდე მივა, იგი განთესილია და ასპარეზობას მეორე ეტაპიდან იწყებს, სადაც მისი მეტოქე მაროკოელ - აბდერაჰმან ბოუშიტასა და თურქ - მუჰამედ დემირელის წყვილს შორის გაირკვევა.

იმ შემთხვევაში თუ მარგველაშვილი პირველ ეტაპს წარმატებულად გაივლის, 1/8 ფინალში მისი მეტოქე, უკრაინელ - კარო მარანდიანსა და აშშ-ს წარმომადგენელ - აისია რამირეზს შორის გამარჯვებულს შეხვდება.

ვაჟა მარგველაშვილთან ერთად -66 კგ წონითი კატეგორიის ფავორიტები

• დენის ვიერუ (მოლდოვა)
• ორხან საფაროვი (აზერბაიჯანი)
• ჰიფუმი აბე (იაპონია)
• ბასხუუ იონდონპერენლეი (მონღოლეთი)
• ჯოშირო მარუიამა (იაპონია)
• ბაულ ანი (სამხრეთ კორეა)

წინასწარი შეხვედრები თბილისის დროით 08:30 საათზე, ფინალური ბლოკი კი 16:00 საათზე აიღებს სტარტს.